Agorrosingo dutxen erabileraren gaineko aholkuak

Ura, kirola eta ingurumena uztartuta, udalak, uraren erabileraren gaineko aholkuak eman ditu. Izan ere, Agorrosinera bataz beste, egunero 1.400 pertsona inguru joaten dira. Ur kontsumoa izugarria da eta ondorioz, Udalak eta Kirol Zerbitzuak honen aurrean neurriak hartzeko eskatu du.

Hala, Bergarako eskoletako ikasleek, Agenda 21aren barruan, irrati tailerrean uraren erabileraren kontzientzia hartzeko mezuak grabatu dituzte. Hauek guztiak musikarekin nahastuta Agorrosin Ekintza Guneko megafonian ipini dira. Dutxa guztietan uraren kontsumoa neurriz egiteko mezua da, alegia.

Datua: Agorrosingo dutxa bateko botoiari sakatzen diogun bakoitzean 3 litro ur ateratzen dira. Dutxa baterako zenbat bider sakatu behar diogu botoiari?

Futbol zelaiko ureztatze sistema

Igerilekuko jende askok interesa adierazi du gai honen gainean, eta ureztatze sisteman honen azalpena hauxe da:
Futbol zelaia ureztatzeko 15.000 litro ur behar dira. Futbol zelaia ureztatzeko erabiltzen den ura, igerilekuko txikiko garbiketatik ateratzen da. Ur hau aparteko ur ontzi batean batu eta kloroa prezipitatzen uzten da. Ondoren, ureztatzeko erabiltzen da. Kloroa duelako eta ordu batzuetan batu den ura denez, estolderi usaina hartu dezake, baina inondik inora ez da kaltegarria ezta ur zikina ere. Gainera, aztertzen ari dira, igerileku guztietako garbiketa urak batu eta herrirako beste erabilera batzuetarako erabilgarriak ote diren: kale garbiketa, belardi eta lorategi ureztatzea, estolderi garbiketa, eta abar.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.