Bergaran hasi dira ikasturte berriko kirol eskaintza prestatzen. Dagoeneko zehaztu dituzte 2010-2011 ikasturteko zerbitzuak; abuztuaren 23an zabalduko dute izena emateko epea. Urtetik urtera eskaria gero eta handiagoa dela kontuan hartuta, Agorrosineko eskaintzan ere plaza kopurua handitu egin dute. Aurten 1.200 lagunendako lekua egongo da.
Hiru dira
Agorrosineko arduradunek azpimarratu gura izan dituzten eskaintzak. Batetik,
errelebotan dihardutenendako areto bizikleta eskaintza. Goizez eta arratsaldez
izena emateko aukera izango dute; hala, lanaren arabera, bi ordu horietako
baten joateko aukera dute.
Funky gazte
ikastaroa
Bestalde, Gazteei
zuzendutako Funky Gazte ikastaroa. Iaz arrakasta izan zuela ikusita, aurten
berriro errepikatzea erabaki dute.
Eta, hirugarrena, Fibromialgia
eta astenia kronikoa duten herritarrendako ur gimnasia berezia. "Iaz ipini
genuen ikastaroa martxan Gipuzkoako Bizibide elkartearekin batera. 13 lagun
ibili ziren iaz, eta ea aurten gehiago animatzen diren", azaldu du Unai
Azurmendi Bergarako kirol teknikariak.
Izenematea
2010-2011
ikasturterako izena eman gura dutenek abuztuaren 23tik irailaren 5era arteko
epea izango dute. Agorrosineko kirol eskaintza guztiaren berri jakiteko eta
ikastaro berrien gaineko informazio gehiago www.agorrosin.net webgunean izango
duzue; eta, baita 943 777 095 telefonoan ere.
Igeriketa eskolak
Bestalde,
esan behar da harrera ezin hobea izan duela igeriketa eskolak. Dagoeneko 280
ikaslek izena eman dute. Gainera, ikasturte berrian Gipuzkoako Igeriketa
Federazioarekin, iaz hasitako Irakas-ikas prozesu berritzailearekin jarraituko
dute lanean. Hala, igerian irakasteko metodologia berria abian jarriko dute
Bergaran. "Teknika landu beharrean trebetasunak landuko ditugu", dio Azurmendik.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak