Agorrosin itxita egongo da

Agorrosin Ekintza Gunea, gaur arratsaldean, hilaren 30ean, itxita egongo da kirol eremuetako aire giroa ezegokia delako. Jolas igerilekuko lanak direla-eta, aste osoan zehar, beira-zuntza itsasteko gaiekin ibili dira lanean. Gaur, eguena, lan horiekin bukatu duten arren, hainbat aire hodietan usain hau batzen eta metatzen joan da.

 

Aipatu, aire hau toxikoa ez den arren, zenbait pertsona sentiberetan begietako gorridura, sudurretako azkura eta eztarria lehor dezakeela. Lanekin bukatu duten arren, gaur arratsaldean eta bihar, barikua, egun osoan, kiroldegia aireztatzen ipiniko dute. Horrela, zapatuan, kiroldegiak ohiko funtzionamenduarekin jarraituko du.

Aipatu, ludoteka, taberna eta goi solairuak aireztapenerako hartuneak, igerileku eta bainuetxekoen desberdinak direla eta horregatik leku hauetan ez dagoelako horrelako airerik.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.