Ikastaroak Bergarako erretiratuen egoitzan egingo dira abenduan, hilaren 10ean, 12an, 14an, 17an eta 19an. Eskolak arratsaldez izango dira, 15:00etatik 19:00etara. Ikastaro horien helburua zera da: adineko mendeko pertsonak zaintzen dituztenei laguntza eta prestakuntza eskaintzea.
Prestakuntza horretan medikuntza, psikologia, lege eta gizarte arloetako gaiak eta laguntza teknikoei buruzkoak landuko dituzte. Hainbat adituk emango dituzte hitzaldiak. Izenematea Udaleko Gizarte Zerbitzuan egin daiteke, 943 77 91 65 zenbakian.