Astebetean euskarazko 120 liburu saldu dira Jardunek antolatutako Euskarazko Irakurzaletasunaren Astean. Batik bat, haur eta gazteendako liburuak saldu dira eta antolatzaileak oso pozik daude izandako emaitzarekin, lehenengoz antolatu dutela kontuan izanda, gainera. Hala, datorren ikasturtean berriz antolatuko dutela ere aurreratu dute. Ekainaren 28tik uztailaren 3ra arte iraun du ekimenak eta egun horietan Elkar Megadendan erositako liburuen prezioaren erdia elkarteak ordaindu du.