Kalez kale egiten duten salmenta kontrolatu egingo du aurrerantzean udaltzaingoak, debekatuta dago hori egitea eta. Udaletxean hainbat kexa jaso dituzte gai horren inguruan eta horregatik hartu dute erabaki hori. Victoriano Gallastegi alkateak azaldu duenez, "herritar batzuk esan digute kalez kaleko salmenta egiten ari direla batzuk Bergaran. Hori debekatuta dago eta udaltzainek instrukzioak jaso dituzte dagoeneko salmenta mota hori kontrolatzeko. Hasieran hori ezin dutela egin esan diete udaltzainak, baina ez badute kasu egiten, beste neurri batzuk hartu beharko dituzte". Zehazki, CD, DVD eta antzekoen salmenta egiten dutela eta jaso dituzte kexak udaletxean.