Donostiara doazen bi autobus pasako dira egunero Osintxutik, eta beste bi Donostiatik Bergarara datozenak. Garraio zerbitzu berria martxan jarri zutenean Osintxuko geltokia kendu egin zuten, autobus guztiak saihesbidetik pasatzea zen asmoa. Osintxuarren kexen ondorioz, lortu dute egunean bi autobus, norabide bakoitzean, behintzat, pasatzea. Hauxe da ordutegia: Donostiatik Osintxura lan egunetan: 08:00etakoa eta 13:00etakoa geldituko dira. 11:00etakoa kendu egin dute. Zapatuetan, 21:00etakoa geldituko da Osintxun. Eta Donostiara joateko: 08:20an eta 15:50ean inguruan helduko da Osintxura, Arrasaten 08:00etan eta 15:30ean irtenda. Zapatu eta domeketan lehengo ordutegiak jarraituko du.