Lanak azaroaren bukaera aldera dira esleitzekoak. 2008ko ekainerako bukatu eta entregatuta egotea aurreikusi da.
Eraikinak izango ditu: sotoa, beheko solairua, lau solairu eta teilatu azpikoa. Sotoan 25 garaje plaza egingo dira, beheko solairuan eta goikoetan hainbat itxura eta azalerako etxebizitzak, eta teilatupeko solairuan, 38 trasteleku. Horrez gain, beheko solairuan lokal bat egokituko da ondoren Udalari uzteko.
Etxeen ezaugarriak
Proiektuaren arabera, gela bateko 8 etxe, ezinduentzako bat, bi gelako 21 etxe eta hiru gelako 8 etxe egingo dira, azken horiek duplexak.
Etxebizitzen salmenta prezioa 1.900 eurokoa izango da m2 erabilgarriko. Alokatuko direnak, berriz, salmenta prezioaren %5aren adinako errenta izango dute. Etxe horiek aurrerago esleituko dira.
Eskaera
2007ko urtarrilean irekiko da eskaerak aurkeztu eta etxebizitzak esleitzeko prozesua. Kupo bat ezarriko da Bergaran bizi diren pertsonentzako eta beste bat Lurraldearen gainerako zatian bizi direnentzako.
Gipuzkoako Foru Aldundiak 38 etxebizitzak eskuratzeko lehentasunezko eskubidea izango du, jarduera espekulatiborik egin ez dadin etxebizitzen azaleraren jabetza beste batzuei eskualdatuz.