70 urtetik gorakoen errealitatea aztertuko dute

Gizarte Ongizateko teknikariak etxez etxe bisitatuko ditu bakarrik bizi direnak.

Gizarte Ongizateko sailak zahartzaroari eta bakardadeari buruzko azterketa bat egingo du. 70 urte baino gehiago dituzten herritarrak eta gainera bakarrik bizi direnak hartuko ditu aintzat azterketa hori egiteko. Horretarako, Agurne Juldain teknikaria herritar horien etxeetara joango da eurekin hitz egitera eta euren errealitatea ezagutzera.

Erroldaren arabera, Bergaran 455 lagun bizi dira, bakarrik, 70 urte baino gehiago dituztenak. "Udal zerbitzuak ezagutzen eta erabiltzen dituzten galdetuko diet besteak beste, bizi diren ingurua bakarrik egoteko egokituta dagoen ikusiko dut eta zer moduz bizi diren galdetuko diet", dio Agurnek. Otsailerako jakingo dituzte emaitzak. Edozertarako, Agurneren telefonoa da: 943 77 91 35.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.