Goizeko 11:00etan izango da irteera Soraluzen, eta Bergaran helmugaratu bitartean 10 kilometro korritu beharko dituzte partehartzaileek. Bigarren edizio honetan, ibilbidea zertxobait laburtu behar izan dute antolatzaileek, 10 kilometro borobil egin ahal izateko.
Iaz ez zuten 200 korrikalari biltzea lortu, baina aurten zifra hori gainditzea dute helburua. Gainera, probintzia osotik jaso dituzte jada parte hartzeko eskariak.
Aurten ekainean hil zen Jose Luis fernandez kirolari bergarrarei omenaldia egin nahi diote Antxintxikakoek.
Helmugara heltzen diren lehen hirurek diru saria eta opariak jasoko dituzte, eta parte hartzaile gutzien artean lasterketaren babesleek emandako sariak zozketatuko dira.
Izena emateko
Izena eman nahi duenak, 5 lekutan egin dezake: Arrasaten polikiroldegian eta Bergaran Agorrosinen, Mepfre eta Goiena aseguru etxeetan eta Lazkano oinetako dendan. Lasterketa egunean ere posible izango da, bai irteera eta baita helmuga puntuan ere.
Gaztetxoentzako lasterketa
Nagusiendako krossaz gain, 10 eta 14 urte arteko gaztetxoentzat beste lasterketa bat antolatu dute Bergaran, 09:45ean abiatuko dena.