Partaideek fandangoa eta arin-arina dantzatu beharko dituzte, eta lehia ez da makala izango, partaidetza bikaina izango baita. Aurten, Seguran, Dantza Solteko Euskadiko Txapelketa eskuratu duten Azpitarte anai-arrebak izango dira partaideen artean. Hala ere, azkoitiarrek aurkari gogorrak izango dituzte aurrean; bergarar ordezkariei dagokienez, Ibane Baseta-Mikel Igartua (laugarrenak Seguran) eta Izarne Medina-Jon Arrillaga bikoteek hartuko dute parte. Juantxo Urbietaren ikasleek maila bikaina azaldu dute han eta hemen jokatutako txapelketetan. Era berean, Janire Urbietak Xabier Azurmendi zegamarrarekin osatuko du bikotea. Azurmendi eta Urbieta bosgarrenak izan ziren Seguran.
Iaz Maite Lazkano eta Asier Ena bergararrak izan ziren irabazleak. Ea nortzuek hartzen duten haien lekukoa. Maite Aristegi arituko da aurkezle lanetan eta zaleei pilotalekura hurbiltzeko gonbidapena luzatu nahi diete antolatzaileek. Sarrera doan izango da.
Partaideen zerrenda dantzatuko duten ordenean:
Mikel Mugika-Nagore Narbarte ASTEASU
Mikel Igartua - Ibane Baseta
Azpitarte Neba-Arrebak AZKOITIA
Aimar Abad-Izaskun Besada HERNANI-PASAIA
Xabier Etxaniz - Leire Larrañaga AZKOITIA
Joseba Apaolaza - Irati Imaz ARAMA-LAZKAO
Xabier Segura - Lierni Martiarena HERNANI
Aritz Martin - Maialen Olazabal SESTAO-MENDARO
Xabier Azurmendi - Janire Urbieta ZEGAMA-BERGARA
Jon Arrillaga-Izarne Medina BERGARA