Jolasleku ibiltaria martxan izango da egubakoitzetik aurrera

Jardun elkarteak 7. urtez jarraian Jolasleku ibiltaria programa martxan jarri du. Herriko toki jakin batzuetan, bereziki umeak eta guraso edo zaintzaileak biltzen diren tokietan, 6-12 urte bitarteko umeentzat euskal kantu eta jolasen bidez, euskaraz jolas egiteko baliabide egokiak eskaini eta bereziki ahozkotasuna lantzea du helburutzat. Udako etenaldiaren ondoren, egubakoitzean, hilak 22, ekingo diote berriz programari.