Protesta egin dute Irabi enpresan hiru kaleratze salatzeko

Bergarako Irabi enpresaren atarian protesta egin zuten atzo, eguena, hainbat lagunek, uztailean hiru langile kaleratu zituztela salatzeko. Irabiko langileak eta jabe berarena den Iraundiko enpresa komiteko kideak batu ziren pankartaren atzean.

Uztaileko azken astean izan ziren kaleratzeak, eta hilabete t’erdi geroago, ez dutela ahazten adierazi nahi izan zuten atzo bilkurarekin bat egin zutenek.

Irabi enpresan 12 langile daude eta soilik ELA sindikatuak du ordezkaritza; Iraundin, berriz, 60 inguru dira langileak eta ELAk ez ezik, LABek ere badu ordezkaririk.

Protestekin jarraitzeko asmoa

ELAk Debagoienean duen metaleko arduradunak adierazi zuen egoerak hobera egin ezean protestekin jarraituko dutela eta herrira ere zabalduko dituztela. Kasu horretan, deialdia sindikatu orori zabalduko dietela gaineratu zuen.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.