Ezezkoa jaso arren, pentsatuta zituzten ekitaldi asko egingo dituztela aurreratu du txosna batzordeak; zapatuan, adibidez, herri bazkaria egingo dute gaztetxean. Ekitaldi politiko bat jaien egitarauan sartzea ere salatu dute.
Txosna batzordeak uste du San Martin jaien egitaraua jendearen partehartze barik egin dutela eta horrek "kezka" sortzen dietela esan dute kideek. Salatu dute eurek Munibe plazan txosna jarri eta hainbat ekitaldi egiteko baimena abuztu erdi aldean eskatu zutela eta jaietarako hiru egun falta direnean jaso dutela Udalaren ezezko erantzuna. Hala ere, pentsatuta zituzten gauza asko egin egingo dituztela esan dute batzordeko kideek eta eskerrak eman dizkiete horiek egiten lagundu dieten guztiei. Egubakoitzean, adibidez, kalejira egingo dute 19:30ean eta paradoia 20:30ean. Zapaturako, berriz, herri bazkaria antolatu dute gaztetxean, 15:30ean.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak