Agorrosingo arreta bulego berrian eman beharko dira ikastaroetarako izenak, adibidez, eta kirol txartela ere hantxe atera beharko dute interesatuek. Hauxe da arreta bulegoaren ordutegia: 09:00etatik 13:00etara eta 17:00etatik 20:30era (irailaren 2an eta 9an, 09:00etatik 13:00etara). Ikastaroetan plaza mugatuak daude eta irailaren 14an egingo dute zozketa.
Bulegoko laguntzaile eta atezain lanpostuak
Kiroleko arreta bulego berrirako laguntzailea eta atezaina behar dituzte eta irailaren 4an bukatzen da epea interesa duenak izena emateko. Hemen duzue informazio gehiago.
Bestalde, irailaren 16 eta 17an Agorrosin kirol instalazioak zabalik egongo dira nahi dituenak ikusteko, 10:00etatik 20:00etara. Sarrera librea da.