Bergarako udalak tranbiaren proiektuari egindako proposamena aztertzen ari zirela esan zuen duela bi aste Nuria Lopez de Gereñu Garraio sailburuak Elgetan. Victoriano Gallastegi alkateak, aldiz, hile honetan proiektuaren erakusketa publikoa egingo dutela aurreratu du, "eta horrek esan nahi du udalak aurkeztutako alternatiba onartu duela Jaurlaritzak".
Zentrala, San Joxepera
Gabiria inguruan ditu tranbiak zailtasun handienak. Gune hori zeharkatzeko proiektua zen udalak hasierako proiektuari aurkeztutako alternatiba landuena. Iberduedrolaren zentrala, adibidez, San Joxepe auzora eramateko plana ere eginda dute. Horrez gain, "algodoneran egingo dituzten etxebizitza berrien ondoan geltokia jartzea ere eskatu genuen, adibidez" dio alkateak.