Senior mailako bi partidu jokatuko dira gaur, 19:30ean hasita. Lehenbizikoan Castillok eta Torrek Olaetxearen eta Jauregiren aurka jokatuko dute eta ondoren Belloso-Arruti eta Baez II.a-Bessonart bikoteak izango dira aurrez aurre.
Lehen partiduko irabazleek Gutierrez bergararrak eta Renobalesek osatutako bikotearen aurka neurtuko dituzte indarrak final laurdenetan, maiatzaren 2an. Gaurko bigarren partidua irabazten dutenek Ander Muguruza bergararra eta Oteiza izango dituzte kontrario, maiatzaren 9an.
Senior mailan hamar bikote izango dira lehian eta 22 urtetik azpikoetan zortzi bikotek hartuko dute parte.
Ekainaren 5a bitartean martitzenero izango dira partiduak Bergarako Udal Pilotalekuan, 19:30ean. Sarrera doanekoa da.