Irabazteko asmorik ez duen herriko edozein taldek eskatu dezake baimena txosna jartzeko jaietan. Eta eskaera egiteko epea zabalik dago; maiatzaren 9a baino lehen egin behar da eskaera udaletxean.
Bestalde, Mendekoste jaietako egitaraua gorpuzten ari da poliki-poliki. Dagoeneko erabaki dute zein musika taldek joko duten txosna gunean. Koadrilen eguna ere astelehena izango da aurten eta bazkaria eta jolasak, behintzat, antolatu dituzte.