Mari Karmen Gallastegik irabazi du Euskadi saria

Mari Karmen Gallastegi ekonomista bergararrak irabazi du 2005eko Gizarte Zientzien eta Humanitateen Euskadi saria. Ekonomia Azterketaren oinarrietan katedraduna da Mari Karmen Gallastegi Euskal Herriko Unibertsitatean, eta sari hori eskuratzen duen lehenengo emakumea.

Eusko Jaurlaritzako Hezkuntza, Unibertsitate eta Ikerketa Departamentuaren arabera, epaimahaiak nabarmendu ditu Gallastegik inguru ekonomian egindako ekarpenak, batik bat, arrantzara aplikatutako eredu bioekonomikoen gainean egindako lan aitzindariak.

Horrekin batera, bergararrak jorratutako beste ikerketa arlo batzuk ere nabarmendu dituzte: euskal kontzertu ekonomikoaren inpaktua eta Europan sartzeak Euskadiren ekonomiarendako izan duen garrantzia, esaterako.

Hilaren 29an emango dio saria (36.000 euro) lehendakariak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.