Hamabost urte kartzelan egin dituela-eta omenaldia egin zioten atzo Bergaran herriko Mikel Askasibar presoari. Familia eta lagunekin batera, presoari berari zein senideei egin gura izan zioten ohore Segi, Etxerat eta Askatasunako kideek plazan bildutako herritarrekin batera. Mikelek berak, omenaldiaren berri izanda, elkartasun hitz batzuk helarazi zizkien gutun bidez hamabost urtean jasotako elkartasuna eskertuz. Omenaldiak Pol-pol elkartean jarraitu zuen askariarekin.
Status politikoa eskatuz
1991n Guardia Zibilak atxilotu zuenetik Espainiako hainbat kartzelatatik igaro da Mikel "Aska". Atxiloketan bertan tiro bi jaso zituen Askasibarrek eta urtebete egin zuen ospitalean, "hilzorian egon zen". Askatasunak ekitaldian salatu zuenez, kartzeletan egindako egonaldietan dagoeneko hiru aldiz jipoitu dute eta hainbat gose greba, itxialdi eta enkartelada egin ditu. Horiekin, omenaldian agertu zutenez, preso politikoen eskubideak eta estatus politikoa aldarrikatu gura izan ditu Askak. Eskaera honekin bat egin zuten domekako omenaldian parte hartutako lagunek ere.