Zabalotegiko auzotarrek agiri bat irakurri zuten atzoko osoko bilkuran. Esan zuten ez dutela informaziorik jaso Udalak auzo horretan egin gura duen proiektuaren inguruan eta informazio falta salatu zuten. Gaineratu zuten beste inolako azterketarik ez dutela egin auzoan (zarata, beharrezkoa den edo ez, ingurugiroa...) proiektua egin aurretik. Errepide horri ze onurua ikusten dioten ere galdetu zioten alkateari, eurek ez diotelako bat bakarra ere ikusten.
Alkateak erantzun zien informaziorik ez zaiela ezkutatu eta hitz egiteko gertu dagoela auzoko komisioko kideekin. Gaineratu zuen herritar guztiek egindako proposamenak aztertuko dituztela eta herritar guztien interes orokorra betetzen ahaleginduko dela Udala. Esan zien ere proiektu horrek 26 aparkaleku kenduko dituela Zabalotegin, baina eginda gero, aparkaleku gehiago egongo direla.