Kale bilkura atzoko lan istripua salatzeko

Bergaran dagoen UTE Gipuzkoa enpresako langilea zen atzo, urtarrilak 9, lan istripuan hildakoa. Lan istripu gehiagorik ez lelopean, hildakoaren lankideak eta hainbat sindikatutako ordezkariak bildu dira Bergarako Ondartza baserri pareko biribilgunean. Lan istripuaren ardura Foru Aldundiarena dela salatu dute sindikatuek.

Errepidea garbitzen ari zela hil zen Itziarren 56 urteko berastegiarra. Aurtengo lehen lan istripua izan da.

Bergarako UTE Gipuzkoa enpresan egiten zuen lana. Gipuzkoako Foru Aldundiak lurraldeko errepideak garbitzeko kontratatzen du urtero enpresa hori.

Lan baldintzak salatu dituzte

Langileek behin eta berriz salatu dute egoera traketsean lan egiten dutela eta arrisku ugari izaten dituztela errepide bazterretan. Arrazoi horregatik, gaur Bergaran egindako bilkuran, Foru Aldundiari leporatu diote atzoko istripuaren ardura. Salatu dute, Aldundiak arduragabeki jokatzen duela. Istripuak saihesteko neurriak hartzeko eskatu diote.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.