Artekalean eta Arruriagan egindako lanak Iñaki Aspiazu arkitektoaren proiektuari jarraituta egin dituzte. Lasarteko Ozio enpresa aritu da lanean apirila ezkero. Orain, esan bezala, zirkulazio seinaleak jarri eta Correos parean asfaltatze lanak egiteko zain dira Udaleko langileak. Hasiera baten azaroan zabaltzekoak ziren Arruriaga eta Artekale.
Galtzada-harria bistan
Arruriagatik udaletxera doan tarteak 177 metroko luzera dauka, eta galtzada-harria bistan laga dute han. 14.000 galtzada-harri inguru jarri dituzte Ozio enpresako langileek azken hilabeteotan. Lanen aurrekontua 1.200.637 euro izan da. Goenkaleko urbanizazioaz Ozio enpresa arduratuko da baita ere, 453.115 euroko aurrekontuarekin.