Udal biltegia
Labegaraietan dago udalaren auto biltegia. Han lanak egin behar izan zituzten garabi zerbitzua hartzeko, baina tartean egin diren bestelako herri lanek erabili ezinda laga dute biltegia. Hortaz, Udalak atontze lanak eta zaintza zerbitzua jarri nahiko lituzke datorren urtean garabi zerbitzuarekin hasi ahal izateko.
Arautegia
Garabi zerbitzuaren arautegia 2004an onartu zuen Udalak. Garabiak autoa eramango du arau-hauste larri eta oso larrietan. Isunei dagokienez, orain dela bi urte onartu zen arautegiaren arabera, arau-hauste arinetan 18 eurokoak izango dira eta larrienetan 180 eurokoak. Horrez gainera, 24,30 euro gehitu behar zaizkio garabi zerbitzuagatik eta 6,55 euro autoak biltegian egingo duen egun bakoitzagatik.
Tarifak egokitu egingo dira zerbitzuarekin hasi orduko.