Xalak eta Titinek Lau T'erdiko Txapelketako finalerdietako bat jokatuko dute domekan Bergaran, 17:00etan. Ligaxkako norgehiagoka izango da, eta domekako partidua erabakigarria ez bada ere, pilota aukeraketan bi protagonistek azpimarratu gura izan zuten ondo hastea komeni dela. Irabazten duenak konfiantzaz egin ahal izango dio aurre Patxi Ruizen edo Olaizola II.aren kontrako norgehiagokari.
Atzo, eguena, egin zuten pilota aukeraketa Bergarako pilotalekuan Xalak eta Titinek. Titinek 104 eta 105,5 gramokok pilotak aukeratu zituen, eta Xalak 105,4 eta 104,3 gramotakoak: "Frontisetik ondo ateratzen diren pilotak aukeratu ditut, Titin sakea egin eta errematearen bila joango da-eta".
Sarrerak 40 eta 15 eurotan
Capellan eta Lasa III.a eta Gonzalez eta Eulate bikoteek jokatuko duten norgehiagokak estreinatuko du domekako pilota jaialdia, eta ondoren etorriko da partidu nagusia.
Sarrerak, beheko jarlekuetan 40 euro, eta goikoetan 15 euro.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak