U forma duten pare bat karranpa daude eta beste hainbat elementu, skate eta pirueta zaleen gozamenerako. Aukeratutako superfiziea zementu labaingarria izan da, horrelako aisialdi guneetarako oso egokia, pista egin dutenen arabera. Hain zuzen ere, Tip-Top enpresako teknikoak pistaren egokitasuna probatzen izan ziren martitzenean eta pozik azaldu ziren lortutako emaitzarekin.
Aspaldiko eskaera
Pista egiteko lanen aurrekontua 47.725 euro da eta Donostiako Tip-Top enpresa arduratu da proiektuaz. Uste baino gehiago luzatu dira lanok. Skate pista gaztetxo eta gazteen aspaldiko eskaera izan da. Garai baten Matxiategin zegoena kendu zutenetik, ez zegoen patinetearekin gozatzeko toki aproposik. Kiroldegiaren berdegunearen ondoan jarri dute skate pista.