Bergarak garrantzi handiko hiru puntu lortu zituen aurreko astean Irunen, Real Union B taldeari 1-2 irabazi ostean. 1-0 galtzen joan eta gero, mahoneroek buelta eman zioten partiduari Aritz Agirrek eta Josu Zubikaraik sartutako golei esker. Zubikarairena partidua amaitzear zegoela etorri zen.
Talde ugari borrokan
Bergarak 34 puntu ditu orain eta sailkapeneko 17. tokian dago, Aretxabaleta eta Anaitasunarekin berdinduta. Liga bukaeran berdintasuna nagusi da azpiko taldeen artean. Sailkapeneko 10. tokian dagoen Pasajes taldea eta 19. tokian dagoen Urolaren artean zortzi puntu besterik ez daude. Sailkapeneko azken laurak jaitsiko dira. Gauzak horrela, hil ala biziko partidua da zapatukoa Bergararentzat. Joaneko partiduan, Azkoitian, 0-1 irabazi zuten mahoneroek.
Fernando Oregi Bergarako entrenatzaileak Aritz Agirre, Mikel Ormaetxea eta Unai Agirreren bajak izango ditu zapatuko partidurako.