Bergara Hiria Pilota Txapelketa hasiko da gaur, hilak 5

Bergara Hiria Pilota Txapelketaren X. ekitaldia abian jarriko da gaur, apirilak 5. Amateur mailan, Aranzetak eta Arrutik Belloso-Jauregi bikotearen aurka jokatuko dute eta Matute eta Gomezek, berriz, Lopez Aldai eta Tejero izango dituzte aurrez aurre. Pazkoak bitartean martitzenero partiduak izango dira Udal Pilotalekuan, 19:30ean.

Aurreko ekitaldietan bezala, Bergara KEko pilota sailak partaidetza bikaina lortu du, amateur zein 22 urtetik azpikoen mailetan.

Hurrengo astean, 22 urtetik azpikoen mailan, Larrañaga-Galarraga eta Fraile-De la Cruz bikoteak izango dira aurrez aurre; amateur mailan, Erroizeneak eta Argotek (iazko txapeldunek) Abad-Okiñena bikotearen kontra jokatuko dute.

Amateur mailan bi bergarar arituko dira: Ander Muguruzak Mendizabal hernaniarrarekin batera jokatuko du eta Igor Gutierrez Lasa urretxuarrarekin arituko da.

Esan bezala, martitzenero partiduak izango dira Udal Pilotalekuan. Finalak, hala ere, Pazkoetako astelehenean jokatuko dira, maiatzaren 16an.

BKEk Bergarako Udala eta Kutxaren laguntza izango du txapelketaren antolaketan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.