Hamahirugarren edizioa du aurten Jardun elkarteak antolatutako Amodiozko Gutunen Lehiaketak. Aurtengo berritasun nagusia da 26 urtetik beherakoendako saria ere egongo dela. Horrez gain, ohiko sariak deitu dituzte; horietako bat, azken urteotan inauguratutako amodiozko SMS mezuen lehiaketa.
Oinarriak
Lehiaketan 1990ean edo lehenago jaiotakoek parte hartu ahal izango dute. Lanak aurkeztu beharko dira lelo edo izengoiti sistemaren bidez; posta elektronikoz bidaliz gero, gutuna eta datuak bi fitxategitan bidali beharko dira. Jatorrizko testua eta hiru kopia entregatu behar dira honako helbidean: Amodiozko Gutunen XIII. Berrigara Lehiaketa Jardun Elkartea, Errotalde jauregia z/g 20570 Bergara; posta elektronikoa: kulturajardun@topagunea.com Mugaeguna da urtarrilaren 7a.
Hainbat sari banatuko dituzte. Lehen saria da 450 euro; bigarrena, 240; bergarar onenaren saria, 150 euro; 26 urtetik beherakoen saria, 100 euro.
SMS mezuen kasuan, 605 71 24 69 zenbakira bidali behar dira urtarrilaren 1etik 15era bitartean.