Txapa Irratiak, Bergarako irrati libreak, 20 urte betetzen ditu. FMko 97.25ean dago, eta egoitza gaztetxean daukate. Urtemuga ospatzeko, egitarau berezia antolatu du Txapa Irratiak astebeterako. Aste osoan izango da irratsaio zaharrak entzuteko aukera. Bestalde, jaiegun berezian, hilaren 20an, zapatua, bazkaria egingo dute, eta horretarako txartelak salgai daude Arranon eta Pol-Polen.
- Irratsaio bereziak: Hilaren 15etik 18ra bitartean izango dira, egunero 22:00etan. Irratiko historikoekin eta sortzaileekin tertuliak; Arrosa proiektua, eta Euskal Herriko irrati libreak izango dira gaiak. Eguenean, gainera, diapositiba emanaldia egingo dute 19:00etan.
- Kontzertuak: egubakoitzean, hilak 19, Inoren ero Ni talde andoaindarrak joko du; eta zapatuan, 20, Extorsion, X-at, Harrikada, Against the Rapist, Iker el poeta bolador, Aby kem, Stukas, Rotten Teenagers, Zampiter & the Test Tube Barbies, Azkaiter Pelox, Cool Panic, Black Sheeps, Troopers eta Ostiada Oi! taldeek.
- Ospakizun eguna: zapatuan, hilak 20, poteoa, bazkaria, Txapa irratsaio maratoia, antzerkia eta kontzertua izango dira.