Gazta dastaketa ikastaroa deitu dute San Martin jaietako lehiaketaren harira

Leire Kortabarria 2004ko abu. 30a, 20:34
Gazta dastaketa ikastaroa deitu du Udal Kultura Sailak irailaren 17rako, eta izenemate epea zabalik dago. Hain zuzen, hilaren 8ra bitartean izango duzue horretarako aukera. Komeni da lehenbailehen egitea, izan ere, 30 lagun bakarrik hartuko dituzte.contributors:

Ikastaroa hilaren 17an emango dute kultura etxean, 19:00etan. Izenematea ere hantxe egin beharko da, edo 943 77 91 59 telefonora deituta. Idiazabal Gazta Jatorrizko Izenduraren Kontseilu Erregulatzailearekin elkarlanean antolatu dute ikastaroa; hortaz, punta-puntako adituen gomendioetaz ikasteko modua izango da.

San Martin jaiekin pentsatuaz antolatu du Udalak gazta dastaketa ikastaroa. Izan ere, urtero bezala, gazta lehiaketa jokatuko da jaiotan; hain zuzen, ikastaroa egin eta hurrengo egunean, zapatua. 10:00etan hasiko da txapelketa hori.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak