Lizartzan gertatu den bezala, duela hilabete batzuk proposamen bera egin zutela esan du Bergara Aurrerak, herritarren borondatea errespetatu eta plataformako zinegotzien parte hartzea gainontzekoen modukoa izango dela ziurtatzen duen proposamena. Aralarrek egindakoak ez omen du hori bermatzen, eta EAJ-EAren aldetik, ez omen da proposamen zehatzik iritsi.
Euskadi Buru Batzarrak ontzat eman zuen Lizartzako ahalegina, eta Bergara Aurreraren esanetan, aldateak esandakoa ez da egia. Arazoa ez da legezkotasuna, borondate politikoa baizik.
Plenora joateko deia
Udaleko alderdiei, ( EAJ, EA eta Aralar ) esan die plataformak, euren zinegotziak dimititu egin beharko luketela, benetan Alderdien Legearen aurka baldin badaude.
Azkenik, datorren astelehenean, uztailaren 26an, 19:30ean, udaletxean egingo den plenoan egongo direla esan dute eta herritarrei bertara joateko deitu diete.