Argazki-lehiaketa deitu berri du Lasai-Toki elkarteak. Gaia, 2004.eko uda. Bi sari banatuko dituzte: lehenengoari, herriko argazki-denda baten argazkigintza materiala erosteko 250 euro; argazki dibertigarriena aurkeztu duenari, Konica Zup 90 argazki-kamera; eta Lasai-Toki elkarteko bazkideen artean argazki onena aurkeztu duenari, nekazalturismoan asteburu bat, gaua eta gosaria barne.
Lehiaketako oinarriak
Bergaran jaio edo bizi den edozeinek parte hartu ahal izango du. Laborategiko edozein teknika onartuko da. Aurkezpena librea da, gehienez ere, 30 x 40 zm.-ko tamainarekin. Lanon atzeko aldean, egilearen izen-abizenak, bizilekua eta telefonoa adieraziko dira. Bakoitzak lau lan aurkeztu ditzake, gehienez ere.
Lanak aurkezteko lekua da Lasai-Toki elkarteko bulegoa, Ibaiondo kalean. Irailaren 13a da mugaeguna, eta epaiaren erabakia hil horren 20an aditzera emango da. Sari banaketa hilaren 28an egingo dute. Aurkeztutako argazki batzuekin, erakusketa ipiniko dute Lasai-Toki elkartean, irailaren 21etik urriaren 3ra bitartean.