Markina arkularia Euskadiko txapeldun

Fernando Markina arkularia sasoi onean dagoela nabari da. Joan den aste bukaeran Euskadiko Txapelketa absolutua irabazi zuen 70 metrotan.

Hain zuzen ere, 676 puntu lortu zituen 70 metro edo distantzi olinpikoko proban. Hala, Euskadiko txapelduna dugu Fernando Markiña arkulari bergararra.

Baina, ez da hori izan aurtengo denboraldian Markinak lortu duen garaipen bakarra. Ekainaren 26 eta 27ko aste bukaeran, Gipuzkoako txapelketa absolutua irabazi zuen, 70 metroan. 682 puntu egin zituen eta Euskadiko errekor absolutua egin zuen.

Hurrengoa, Espainiako Txapelketa

Markinaren hurrengo helburua Espainiako Txapelketa absolutua izango da, 70 metrotan. Uztailaren 31n eta abuztuaren 1ean jokatuko da Lleidan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.