Aurten, 27 lagun diplomatuko dira Bergarako Musika Eskolan. 19:00etan, diplomadun berriek kontzertua eskainiko dute; norberak bere emanaldia egingo du, dagokion musika-tresnarekin. Segidan, Marije Ugalde eskolako zuzendariak eta beste hainbat zuzendaritzako kidek diplomak banatuko dituzte, eta azkenik, ikasle, irakasle eta gurasoek luntxa izango dute.
Hori martitzenean izango da. Astelehenean, hilak 21, beste kontzertu bat izango da; hain zuzen, saxofoi emanaldia, 19:30ean. Mario Fernandino irakasle iruindarrak zuzenduko du emanaldia.