Fito y Fitipaldis taldearen kontzertua egubakoitzerako, hilak 28, zegoen iragarrita. Horrerako salmenta txartelek izan duten eskaera dela-eta, Jam aretoak eguenerako, hilak 27, antolatu du bigarren kontzertu bat. Horrenbestez, hilaren 27an 21:00etan joko du taldeak; eta 28an, iragarrita zegoen bezala, 22:00etan. Sarrera txartelak salgai daude 15 eurotan.
Fito y Fitipaldis taldeak Lo mas lejos, a tu lado disko berria aurkeztuko du Bergaran. Iñaki Uoho Antonen (Extremoduro, Platero y Tu) estudioetan grabatu zituzten diskoko 12 abestiak.