Urtero, ibarreko herri baten egin izan dute Atzegi Eguna. Elkartearen 40. urteurrenean hasi ziren ospakizunarekin, eta bosgarren aldia izango da aurten.
Atzegi elkarteko 150 bat debagoiendar bilduko dira. 12:00etan, Udaletxeko Osoko Bilkura aretoan asanblea labur bat egingo dute Atzegiko Jose Luis Basoko gerenteak eta Debagoieneko arduradun Jokin Antxiak Bergarako alkate Victoriano Gallastegirekin. Aurten elkartean izan denaren berri emango dute.
Gero, Atzegi elkartekoek bisita gidatua izango dute erdigunetik. 14:00etan, elkarrekin bazkalduko dute, eta musikaz girotuko dute bazkalondoa.