Telesforo Monzon, Pantxoa eta Peio, Benito Lertxundi, Mikel Laboa Egile horien eta askoz gehiagoren abestiak eskura izateko aukera eman nahi zuen Jardun elkarteak. Hori dela-eta argitaratu dute bilduma hori. Ekimena Jardunen Gazte Taldearen inguruan piztu zen, hain zuzen ere, iaz antolatu zuten gitarra ikastaro batean: euskal kantak jorratu zituzten, eta konturatu ziren ideia ona izango litzatekeela abesti horiek guztion eskura ipintzea.
Telesforo Monzonen jaiotzaren 100. urteurrena dela-eta, berak sortutako Bai euskarari abestia da aukeratutako bat.