Kartel lehiaketa
Jarduerak, Kultur Taldeak, Jaiak eta Gazteria Batzordeak izendatutako epaimahaiak erabaki du dagoeneko aurtengo Pentekoste jaietako kartel lehiaketako irabazlea. Mª Paz Alustiza Larrañagak, pintore bergarrarak, egindako kartela izan da aukeratua.
Aurtengo jaietarako aurrekontua 110.000 eurokoa izango da. Udaleko iturriek esandakoaren arabera, aurrekontuak dezente egin du behera eta horren aurrean ez da egon aparteko ekitaldirik ekartzeko aukera.
Musika emanaldiak
Jaietako egitaraua azken urteotako programaren antzekoa izango da. Urtero legez, Bitorianatxoren jaitsierak emango die hasiera jaiei, maiatzaren 28an. Gauean, Aritzeta abesbatzaren 25. urteurrena ospatzeko, kontzertua izango da Udal Pilotalekuan. Aritzetarekin batera, Soraluzeko Ezozi abesbatza, Eibarko Sostoa, Bergarako Orfeoia, Gabero abesbatza, Orkestra eta Alai taldea izango dira taula gainean.
Rock musikak ere tarte berezia izango du Bideberriko kontzertuetan. Besteak beste, Pin Pan Pun Band, Arima Beltza, Non Servium edota Red Wine taldeek eskainiko dituzte kontzertuak. Gainera, San Martin plazan eta Espoloian dantzaldiak izango dira. Ekainaren 1ean Egan taldea izango da Plazan, esaterako.
Zezen Zaleak taldeak antolatutako zezenketa maiatzaren 30ean izango da eta, horrez gain, entzierroak izango dira. Barrakak Matxiategin jarriko dituzte. Bestalde, jaien azken egunean herri bazkaria egingo da San Martin plazan, azken urteotan moduan