Eguerdian eraman dute Bergarako Arostegi Jauregiko ate errenazentista Donostiara. Arostegi jauregia XVI.mendeko lehenengo erdiko hiri jauregia da. Atea da duen elementurik garrantzitsuena, 1532.urtekoa gutxi gorabehera. Ate errenazentista da, oso ondo landutako erliebeekin. Adituen esanetan, Gipuzkoan dagoen XVI.mendeko aterik onena da.
Azken urteotan erliebeak usteldu egin dira
Bere garrantzia kontuan izanda, sasoi baten Donostiako San Telmo museoan egon zen ikusgai. Azken urteotan, baina, jauregiaren atarian jarri zutenetik erliebeak desagertzen eta usteltzen joan dira.
Arostegi Jauregiko erakusketa areto berrian ikusgai izango da
Horrexegatik, Bergarako Udalak erabaki zuen zaharberritzea, eta gaur eguerdian eraman dute Donostiara. Hori bai, guztia egin dute kontu handiz. 5-6 hilabete egingo ditu Albaialde Donostiako errestaurazio etxean, eta gero, berriro ere, Bergarako Arostegin jarriko dute. Baina kalera begira beharrean, erakusketa aretoan izango da ikusgai.
Gogoratu, Bergarako Udalaren asmoa dela erakusketa areto bat jartzea Bergarako erdialdean dagoen jauregi horretako beheko solairuan.