Guztira, 368 herritarren eta 22 talderen atxikimendua jaso du Bergara Aurrera taldeak: LAB, Udaleko Enpresa Komitea, Segi, Ikasle Abertzaleak, EHE, EPA, ESK, Bai Euskal Herriari, Askatasuna, Etxerat, Gazte Asanblada, Txapa Irratia, Astindu, Lokatza, Zutik, Komite Internazionalistak, BEKE, Elkarlana, Haurtxoa haurtzaindegia, Mendia Bizirik, EHNE eta Angiozarko Batzarrak bat egin dute Bergara Aurrera taldearekin.
Apartheid politikoa
Testuarekin bat egin dutenek Bergara Aurrera plataformari dagokion ordezkaritza politikoa aitortzea eskatu dute. Bergara Aurrerakoen arabera, joan zen urteko udal hauteskundeetan gertatutakoaren ondoren, benetako apartheid politikoa bizi dute Bergarako udaletxean. Maiatzeko hauteskundeetako emaitzen arabera, udalbatzan lau zinegotzia izatea dagokiela aldarrikatzen dute.