Otsailaren 28an ekitalditxoa egingo dute Bergarako Olaso dorrea eta udaletxearen artean dagoen eremuan, eguerdiko ordu batean. Estatu espainiarraren politika salatzeko sinadura bilketa ere egingo dute egun horretan. Era berean, EHEk deituriko manifestazioan parte hartzeko deia egin du Bergarako Batasunak.
Lizarrak landatuko dituzte zurradero parean
Martxoaren 1ean, 19:30ean, kale bilkura egingo dute San Martin plazan, eta martxoaren 6an zazpi lizar landatuko dituzte Zurradero parean, saihesbidearen azpian dagoen zelaian hain justu ere. Goizeko 11etan izango da ekitaldi hori. Lizarra Garazitik Bergarako proposamenera leloa irudikatuko dute arbola landaketarekin.
Martxoaren 9an ekitaldi politikoa egingo dute Bergarako Novedades aretoan. Ekitaldian esku hartuko dute Euskal Herriko zenbait ordezkari politikok. Martxoaren 10ean eta 11n hitzaldiak eskeiniko dituzte Angiozarren eta Osintxun.