Gazte ugari hurbildu dira udaletxera isunarekin bat ez zetozela adierazteko; batzuk gangster jantzita. Izan ere, Herri Mugimenduko kideek azaldu dutenez, "isunarekin bat ez gatozela adierazi nahi izan dugu baina modu sinboliko eta sinpatiko batean, horregatik gangster jantzi gara".
Zentimo batekoak, bikoak eta bostekoak
Horrekin batera, 360 euroko isuna txapon txikietan eraman dute, zentimo bateko, biko eta bosteko txaponetan, "kontatzeko orduan lan pixka bat emateko".
Isuna Txosna jartzeagatik
San Martin jaietan baimenik gabe jarritako txosnagatik jarri die isuna Udalak. Herri Mugimendua, baina, ez dago ados. Izan ere, baimen bat baino gehiago eskatu zutela diote, "Udalari txosna jartzeko proposatutako leku guztiak gaizki iruditu zitzaizkiolako. Gainera, baimenik eman ez, baina kokapen berririk proposatu ez zigunez, txosna jartzea erabaki genuen".
Egutegia adostu dute
Halakorik berriz ez gertatzeko, urtean barrena jarri nahi duten txosnen egutegia adostu dute Udalarekin.