Gabero abesbatza gaztearen emanaldia zapatuan

Udazken Kulturaleko egitarauaren barruan egingo du emanaldia Gabero abesbatzak. Emanaldia 19:30en izango da, Zabalotegi aretoan, eta sarrera 2 eurotakoa da.

Egingo duten emanaldia hamalau lanez osatuta dago. Denetariko doinuak dira eta autore oso ezberdinenak. Iazko ekainean sortu zuten Gabero abesbatza.

CD berria eta lehiaketa Belgikan

Gaur egun 22 kide ditu eta gogo bete dihardute lanean. Horren adibide dira, esaterako, Gabonen ondoren eta Udaberri aldera dituzten asmoak, David Azurza zuzendariak azaldu duenez: batetik, Gabonen ondoren, CDa grabatzeko asmoa daukate. Udaberri aldera, berriz, Belgikako lehiaketa batean hartuko dute parte.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.