Aurtengo hauteskundeak Bergarako Mendekoste jaiekin batera izango dira eta hori dela eta inoiz baino jende gehiagok emango du posta bidez botoa aurten Bergaran. Jende ugarik hartu ditu egun batzuk kanpora irteteko. Eta hori da posta bidezko botoen kopurua horrenbeste igo izanaren arrazoi nagusia.
Bergarako posta bulegoa lepo bete da egunotan eta langileak gogor ari dira lanean bertara hurbiltzen ari den jende guztiaren beharrei erantzuteko.
Izan ere, aurtengoan, 1.000 lagunetik gora izan dira zehazki posta bidez botoa ematea eskatu dutenak, eta normalean horrelako kasuetan 300 edo 400 artean izaten direla esan digute posta bulegoan.
Gaur da posta bidezko botoa eman ahal izateko azken eguna eta beraz, lanez lepo ibiliko dira gaur bergarako posta bulegoan.