Arrasateko Udalaren eskutik, hitzaldia eta tailerrak 0 eta 6 urte arteko umeen gurasoentzat

Jokin Bereziartua Lizarazu

Arrasateko Udalak gurasoen hezkuntza-lanari babesa emateko hitzaldi bat eta bi tailer antolatu ditu, seme-alaben hazieraren eta heziketaren inguruan hausnartzeko eta egunerokoan sortzen diren kezkak eta zailtasunak partekatzeko guneak eskaintzeko. 

Udalak 0 eta 2 urte arteko umeen gurasoentzako haziera eta haur masaje tailerra antolatu ditu; sei saio izango dira, astelehenetan (10:30-11:30), Txikitxokoan, hilaren 23an hasita. Sei saioko tailer honetan, besteak beste, haurraren garapena, atxikimendu-irudiarekiko harremana, mugimendu askea, norberaren eta inguruaren esplorazioa, gurasoen eta haurren arteko harreman-lotura eta gurasoen osasuna landuko dira.

Bestalde, 2 eta 6 urte arteko umeak dituzten gurasoentzako Haurrak ulertzen hitzaldia egongo da hilaren 23an, Kulturateko Loramendi gelan (17:00).  Haurren garapena eta beharrak ulertzeko gakoak landuko dira, haurrekin harreman osasuntsuak, errespetuzkoak eta konfiantzazkoak eraikitzeko. Ondoren, gaian sakontzeko sei saioko "bizipen-tailerrak" antolatuko dituzte Arrasate Herri Eskolako Erguin gunean – lehen saioa, abenduaren 14an– eta Arizmendi Ikastolako Olarten –lehen saioa, azaroaren 30ean–. Tailerretan parte hartzeko, izena eman behar da: 943 25 20 07 edo izenemateak.arrasate.eus.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Batu zaitez Goiena albisteen kanalera.

TELEGRAM: Batu zaitez GoienaAlbisteak kanalera.


Harpidetza aukera guztiak