Zapatuan egingo dute Ziorla Fest jaialdia, bosgarrenez

Musakolako jai batzordeak "musikaz, zarataz eta giro onez" betetzeko helburuarekin antolatu du Ziorla Fest jaialdia bosgarren aldiz. Zapatu honetan, urriak 24, izango da, eta lau kontzertuk osatzen dute egitaraua. Arratsaldeko zortzietan hasiko da jaialdia, eta San Isidro plazan jarriko duten oholtza gainera igoko dira 48280, Etxepe, Lepue Zapaldu taldeak eta ASFV bakarlaria.