Dastaketa izango da zapatu honetako azokako protagonista. Besteak beste, sagar purea, marmelada, sagardoa eta zukua dastatu ahalko dituzte herritarrek, azokako ogi eta gaztarekin lagunduta. Askotariko sagar barietateak egongo dira salgai, baita sagarretik eratorritako produktuak ere.
Erosle guztien artean, sagar produktuekin egindako hamar otar zozketatuko dituzte. Gainera, sasoia aprobetxatuz, sagarrari balioan emango diote; izan ere, azokan badaude ekoizle asko, zuzenean edo zeharka, sagarra ekoizten dutenak: sagarra (fruta), sagar-tartak, teak, marmeladak, sagardoa, ozpina, zukua eta abar.
