Atzo, irailak 27, PuzzleKaxa izan zen protagonista Arrasateko Biteri plazan. ANAKONen Nagusien Astearen barruan, PuzzleKaxa erabat modu altruistan, puzzle eta buru-hausgarrien ekitaldi bat antolatu zuen, adinekoei zuzendua. Oraingo honetan, Marino Yuste erretiratuak antolatu du ekimena, Ander Yusteren eta Sheila Merinoren laguntzarekin: "Entretenimendura, gozamenera eta pertsonen arteko harremanak hobetzera bideratutako ekitaldia izan zen, ordu berean antolatuta zegoen martxaren alternatiba oso interesgarria. Ekitaldiak harrera bikaina izan zuen, jendea elkarrekin jolasten, buru-hausgarriak ebazten eta elkarlanean aritu ziren".
Ander Yustek azaldu duenez "oso polita" izan zen atzokoa: "Oso polita izan zen emozioa eta irribarrea ikustea, pertsona adintsuengan poztasun eta harrotasun aurpegiak puzzle bat ebaztean". Marino Yuste erretiratuak ere aipatu zuen ekitaldia ederto egon zela: "Adinekoek estimulazioa behar dute eta, batez ere, elkartzeko eta elkarrekin hitz egiteko aitzakia bat; bakardadea gaixotasun isila izan daiteke".