Gizonezkoen eliteko pilota partidak Maritxu Kajoi Egunean

Maritxu Kajoi Egunean –hilak 2– ere izango da kirolaz gozatzeko aukera; izan ere, Pelota Pro Ligak eta hura osatzen dute enpresek, Arrasateko Udalarekin elkarlanean, pilota jaialdia antolatu dute Uarkapen. 18:30ean hasiko da jaialdia, Peña II.a-Lizeaga eta Egiguren V.a-Bikuña bikoteen arteko partidarekin. Horren ostean, jaialdiko partida nagusia jokatuko dute Altuna III.a-Martija eta Murua-Zabaleta bikoteek. Hala, Ander Murua arrasatearrak etxeko zaleen aurrean jokatuko du, beste behin. Sarrerak dagoeneko salgai daude, entradasfronton.com atarian, 20 eta 35 euro artean.